Home

परिचय

नेपाल सरकारले सहकारीलाई राष्ट्रिय अर्थ व्यवस्थाको ३ खम्बा मध्ये एक खम्बाको रुपमा परिभाषित गरी समुदायमा छरिएर रहेको सानो सानो पुँजीलाई एकत्रित गर्न सहकारी क्षेत्रलाई थप व्यवस्थित र मर्यादित बनाउँदै यसको आवश्यकतामा जोड दिंदै अगाडी बढी रहेको छ । २०६७ साल आषाढ १६ गते डिभिजन सहकारी कार्यालय काठमाडौंबाट वित्तीय कारोबार गर्न स्वीकृती प्राप्त यस संस्थाको स्थापना कालमा काठमाडौं महानगरपालिकाका ४ वटा वडाहरु मात्र आफ्नो कार्यक्षेत्र रहेकोमा हाल आएर काठमाडौं जिल्लाभर आफ्नो कार्यक्षेत्र विस्तार गर्न सफल भएको छ । सहकारी क्षेत्रमा लामो अनुभव प्राप्त गरेका ब्यक्तीहरुबाट संचालित यस शुभप्रवा सेभिङ्ग एण्ड क्रेडिट को–अपरेटिभ लि. को मुख्य कार्यालय काठमाडौंको चुच्चेपाटी, चावहिलमा रहेको छ भने सदस्य सुबिधा काउन्टर न्युरोड काठमाडौंमा रहेको छ । काठमाण्डौ जिल्लामा मात्र सिमित नरही कार्यक्षेत्र बिस्तार गर्ने उद्धेश्यले ११औ बार्षिक साधारण सभाले सर्बसम्मत रुपमा पुरै बागमती प्रदेशभर आफ्नो कार्यक्षेत्र बिस्तार गर्ने निर्णय अनुरुप संस्थाले सम्बन्धीत निकायबाट स्वीकृतको लागी आवश्यक प्रकृया समेत पुरा गरिसकेको छ भने स्वीकृती प्राप्त हुनासाथ सदश्यता बिस्तार गरिने ब्यहोरा समेत अबगत गराउन चाहन्छौ ।

शेयर पूँजी

यस संस्थाको शेयर पूँजी रु. ४०,००,००,०००/- (रु. चालिस करोड) कायम गरिएको छ । उक्त शेयर पूँजीलाई सदस्यहरु माझ बिक्री गरी चुक्ता पूँजीमा परिणत गरिने छ ।

व्यवस्थापन

कुनै पनि संघ संस्थाको प्रगति तथा सफलता व्यवस्थापनको सही र सफल रणनीतिले निर्धारण गर्दछ । नीति नियमको अधिनमा रही स्वतन्त्र भएर इमान्दारीपूर्वक कर्तव्य पालना गर्नु सफल व्यवस्थापनको प्रतिविम्ब हो, व्यवस्थापन पक्ष यो यथार्थलाई सदा शिरोपर गर्न दृढ संकल्पित छ । संस्थाले ग्राहक वर्गलाई छिटो छरितो तथा सरल ढंगले वित्तीय सेवाहरु प्रवाह गर्नका लागि दैनिक रुपमा हुने कारोबारलाई बिश्वशनिय   पारदर्शी र व्यवस्थित बनाउन आधुनिक बैकिङ् System मार्फत सेवा प्रदान गरेका छौं, भने सदश्यलाई आफ्नो कारोबारको बारेमा जानकारी प्राप्त र दैनिक उपभोग्य बस्तुको महसुल भुक्तानीको लागी सहजता बनाउन Shubhaprava Smart App मोबाईल बैन्किङ प्रणाली पनि प्रयोगमा ल्याएका छौ जस्को माध्यम बाट QR Payment समेत गर्न सकिने ब्यवस्था गरेका छौ , साथै सदश्यलाई आफ्ना दैनिक कार्य सन्चालनको क्रममा आवश्यक पर्ने नगदलाई साथमा बोक्नुपर्ने झन्झटबाट मुक्त बनाउनको लागि आफ्नै ATM कार्ड प्रयोगमा ल्याईसकेका छौ ।